Шымкент қаласы, Еңбекші ауданында орналасқан жеке тұрғын үйлердің бірінде ер адам әйелімен сөзге келіп, жанжалдасып қалады, деп хабарлайды Шымкент Полиция департаменті.
Отбасылық келіспеушіліктің салдарынан әйелі мен үш баласын үйінен қуып шыққан. Күйеуінен зәбір көрген 35 жастағы ана қайда барарын білместен полиция қызметкерлерінен көмек сұраған.
Мәселенің мән-жайын анықтау үшін көрсетілген мекенжайға №38 УПП-нің учаскелік полиция инспекторы мен Әйелдерді зорлық-зомбылықтан қорғау тобының қызметкерлері Ж.Тасқұлова мен А.Төребай арнайы барып, жағдайдың жай-жапсарымен танысты.Нәтижесінде, 38 жастағы ер азаматтың үстінен қорғау нұсқамасы толтырылып, 30 тәулікке есепке алынды.Қазіргі таңда полиция қызметкерлері тұрмыстық зорлық-зомбылыққа тап болған азаматшаға құқықтық және психологиялық қолдау көрсету мақсатында балаларымен бірге уақытша пана ретінде «Көмек» дағдарыс орталығына орналастырды.