Астана қаласында қазақ күресінен әлем чемпионаты өз мәресіне жетті. Желтоқсанның 12-14 күндері өткен айтулы додада шымкенттік үш балуанның екеуі алтын, біреуі қола медальді еншіледі, деп хабарлайды Шымкент Келбеті Ресми Парақшасы.
Байрақты бәсеке әлем чемпионаты ретінде тұңғыш рет ұйымдастырылып отыр. Оған ересектер, жастар және жасөспірімдер тобы қамтылып, 40-қа жуық мемлекеттің 350 балуаны белдесті.
Әлем Чемпионатында жастар арасында күрескен шымкенттік балуан Марат Байқамұров алтын медалға ие болса, Әбдімәлік Мейіржан қола медалді еншіледі. Ересектер арасында Жұмажан Қожамбеков үздіктер қатарынан көрініп, алтын медальді қанжығалады.
Әлемнің 40 елінен келген палуандардың арасында суырылып, қарсыластарын таза жеңіспен жеңген, кіл мықтылардың арасына еніп, көк туымызды желбіреткен спортшымызды құттықтаймыз.