ҚТЖ басшылығы жұмыс сапарымен Шымкент бөлімшесінің теміржол кәсіпорындарына барды

Өндірістік объектілердің жай-күйі, шаруашылықтар мен қызметкерлердің қысқа дайындығы, еңбек жағдайлары тексерілді. 

Шымкент жол дистанциясында басшылық Арыс – Шымкент – Түлкібас учаскесіндегі жол шаруашылығының жасанды және басқа да құрылыстарын, темір жолын ағымдағы күтіп ұстау бойынша жұмыстардың орындалуы туралы хабардар етілді.

Өрттерді жою және басқа да шұғыл жұмыстарды орындау үшін Шымкент станциясындағы өрт сөндіру пойызының жай-күйіне баға берілді. 

Сондай-ақ, компания басшылығы ағымдағы жылдың 8 айында 88 мың тоннадан астам жүк, 2541 жиырма футтық контейнерді қайта өңдеген “Кедентранссервис” АҚ-ның Шымкент қаласы бойынша өңірлік филиалына барды. Арыс станциясындағы материалдық-техникалық жабдықтау базасының қоймалары, өндірістік үй-жайлары және басқа да инфрақұрылым объектілері қаралды.

Шымкент торабы басшыларымен өткен өндірістік кеңесте қозғалыс қауіпсіздігін қамтамасыз ету, еңбек қорғау, инфрақұрылым мен локомотив паркін күтіп ұстау, көлік қызметтерінің сапасын арттыру, Дарбаза – Мақтаарал теміржол желісін салу мәселелері талқыланды. 

Негізгі өндірістік көрсеткіштердің орындалуы, Сарыағаш станциясы өткізу қабілеттілігінің артуы атап өтілді. Шаруа қожалықтары мен қызметкерлерді қысқа сапалы дайындау бойынша тапсырмалар берілді.

Шымкент торабы теміржол кәсіпорындарының қызметкерлерімен кездесу барысында басшылық үздік қызметкерлерді марапаттады. Қазақстан темір жолының 120 жылдығына арналған құрмет грамоталары мен мерейтойлық медальдар сала қызметкерлері мен ардагерлеріне еңбегі, жұмыстағы жоғары көрсеткіштерге қол жеткізгені және компанияның дамуына қосқан зор үлесі үшін табыс етілді.

«Қазақстан темір жолы» ҰК» АҚ баспасөз қызметі